Пра школу
"Калі не можаш быць шырокай дарогай – будзь сцяжынкай, калі не можаш быць сонцам – будзь зорачкай для свайго вучня» – такое педагагічнае крэда нашых настаўнікаў. Навучэнцы школы вельмі розныя, таму педагагічны калектыў імкнецца ў кожным з іх убачыць асобу з яе магчымасцямі і здольнасцямі.
Гісторыя навучальнай установы пачалася ў 1959 годзе, тады праектная магутнасць была разлічана на 400 навучэнцаў. Школа была пабудавана Баранавіцкім УНР-83 за кошт сродкаў Міністэрства асветы і абароны. Будынак школы быў разлічаны на 400 месцаў.
Кантынгент навучэнцаў і педагагічны калектыў былі сфарміраваны за кошт школ № 1,2,3. Вучнёўскі калектыў у верасні 1959 года склаў 457 навучэнцаў. Дырэктарам школы быў прызначаны Лявонцій Аляксеевіч Лешчык, намеснікам дырэктара – Васіль Васільевіч Барысенка.
У 1960/1961 навучальным годзе адбыўся першы выпуск навучэнцаў школы ў колькасці 27 чалавек.
Два першыя дзесяцігоддзі школы прайшлі пад лозунгам удасканалення вучэбна-выхаваўчай работы і здаровага фізічнага развіцця навучэнцаў. У 1971 годзе школа ўзнагароджана Ганаровай граматай Міністэрства асветы СССР і камплектам спартыўнага інвентара. Ганаровай граматай МП СССР гэтак жа быў узнагароджаны дырэктар школы Лешчык Л. А. і настаўнік фізкультуры Амельянюк А. Т.
У 1987 годзе дырэктарам школы прызначаная Ніна Якаўлеўна Еўтуховіч.
Працягваецца вялікая праца па патрыятычным выхаванні, дзе самы актыўны ўдзел прымаюць шэфы вайсковай часткі. У 1989 годзе школа займае першае месца ў Рэспубліканскай ваенна-спартыўнай гульні «Арляня» і «Зарніца». Дырэктар школы Еўтуховіч Н. Я. узнагароджваецца значком "Выдатнік грамадзянскай абароны БССР".
У кастрычніку 1991 года школа пераходзіць у новы будынак. У 1999 годзе дырэктарам школы прызначаны Сінгалевіч Серафім Фёдаравіч. У 2002 годзе на базе школы створаны класы ваенна-патрыятычнай накіраванасці, у 2004 годзе – класы прававой накіраванасці.
2012 год-стаў для школы па шэрагу пытанняў пераломным.
На падставе рашэння Кобрынскага раённага выканаўчага камітэта № 940 ад 16.08.2012 г.Установа была рэарганізавана шляхам пераўтварэння ў дзяржаўную ўстанову адукацыі «Дзіцячы сад-сярэдняя школа № 4 г. Кобрына» з прадастаўленнем права арганізацыі адукацыйнага працэсу па праграме дашкольнай адукацыі. Першы набор дзяцей ва ўзросце ад трох да шасці гадоў налічваў 45 выхаванцаў. Ва ўстанове ўпершыню адкрываецца 5 клас інтэграванага (сумеснага) навучання і выхавання з беларускай мовай навучання для дзяцей з парушэннем функцый апорна-рухальнага апарата. На пасаду дырэктара ў жніўні 2012 прызначаецца Фігурына Алёна Васільеўна.
У школе вядзецца вялікая работа па патрыятычным выхаванні. Асноўнай мэтай дзейнасці педагагічнага калектыву ў гэтым напрамку з'яўляецца фарміраванне ў вучняў грамадзянскасці і патрыятызму – прыярытэтнай каштоўнасці, здабыццё якой дазволіць дзецям усвядоміць значнасць сваёй ролі ў жыцці грамадства.
Па жаданні навучэнцаў і іх законных прадстаўнікоў на II і III ступені агульнай сярэдняй адукацыі працягваюць адкрывацца кадэцкія класы ваенна-патрыятычнай і прававой накіраванасці. Сумесна з Кобрынскай раённай арганізацыяй» Беларускі саюз ветэранаў вайны ў Афганістане " ў школе створаны Музейны куток, экспазіцыяй якога з'яўляецца сістэматызаваная Панарама падзей Афганскай вайны.
Актыўна развіваецца Профільнае навучанне. На павышаным узроўні вывучаюцца прадметы: фізіка і матэматыка, гісторыя Беларусі і грамадазнаўства, хімія і біялогія. Адкрываюцца профільныя класы педагагічнай (2017 год) і аграрнай (2021 год) накіраванасці.
З 2015 года школа адна з першых уступае ў рэалізацыю міжведамаснага інфармацыйнага праекта «Школа – тэрыторыя здароўя». Вопыт работы ўстановы абагульняецца на ўзроўні вобласці.
У гэтым жа годзе школа налічвае чатыры групы дашкольнай адукацыі: "Рамонкі", "Пчолкі", "Дзьмухаўцы " і "Зорачкі".
Інавацыйная школа-гэта своеасаблівая Кузня творчых асоб, здольных да сур'ёзных пераўтварэнняў. Такая школа дае магчымасць вучню не толькі магчымасць атрымаць пэўны багаж ведаў, уменняў і навыкаў, але і забяспечвае яму паспяховую сацыялізацыю ў грамадстве, спрыяе развіццю творчых задаткаў.
З 2018 года ДУА «Дзіцячы сад-сярэдняя школа № 4 г.Кобрына» з'яўляецца рэспубліканскай інавацыйнай пляцоўкай па рэалізацыі праекта «Укараненне мадэлі STEAM-адукацыі як сродку дапрофільнай падрыхтоўкі ва ўстанове адукацыі».
У 2022 годзе ўстанова адукацыі рэарганізавана ў Дзяржаўную ўстанову адукацыі "СЯРЭДНЯЯ школа №4 г.Кобрына".
У 2022 годзе школа прыступае да рэалізацыі праекта «Укараненне мадэлі бяспечных паводзін удзельнікаў адукацыйнага працэсу ў сетцы Інтэрнэт». У 2023 годзе інавацыйнай пляцоўкай становяцца групы дашкольнай адукацыі з праектам «Інфарматыка без разеткі».
Вынікам інавацыйнай дзейнасці педагогаў стала адкрыццё ў верасні 2022 года раённага цэнтра і ў верасні 2023-першага класа інжынернай накіраванасці.
15 лютага 2024 года Дзяржаўнай установе адукацыі "Сярэдняя школа № г.Кобрына" прысвоена імя воінаў-інтэрнацыяналістаў.
Наша школа-гэта асаблівы свет, які развіваецца і ўдасканальваецца з кожным днём. Гэты свет створаны дзякуючы выразна адладжанай сістэме работы ўсяго педагагічнага калектыву школы, а гэтая сістэма працуе для кожнага вучня, у ёй задзейнічаны кожны педагог. Галоўнымі ж прыярытэтамі дзейнасці нашай навучальнай установы застаюцца якасць і развіццё.