Інспекцыя Міністэрства па падатках і зборах Рэспублікі Беларусь па Брэсцкай вобласці ў рамках правядзення акцыі "Аказваючы паслугі рэпетытара, рабіце гэта легальна!" Нярэдка дадатковай крыніцай даходаў некаторых настаўнікаў з'яўляюцца рэпетытарскія паслугі, якія часам з прычыны ці няведання норм заканадаўства, ці іх ігнаравання аказваюцца імі ў парушэнне дзейнага заканадаўства.
Цяпер у падатковых органах Брэсцкай вобласці на ўліку знаходзяцца 254 індывідуальныя прадпрымальнікі і фізічныя асобы, якія ажыццяўляюць дзейнасць у галіне рэпетытарства, ад якіх у бюджэт паступіла 86,2 млн. рублёў падатковых плацяжоў. У сувязі з чым просім Вас правесці тлумачальную працу з выкладчыцкім складам школ аб неабходнасці рэгістрацыі апошніх у якасці плацельшчыкаў пры ажыццяўленні індывідуальнай рэпетытарскай дзейнасці.
Нагадваем, што да паслуг рэпетытараў адносяцца паслугі ў галіне адукацыі, якія ажыццяўляюцца з дапамогай індывідуальнай педагагічнай дзейнасці, што рэалізуюцца любым спосабам, у тым ліку па радыё, тэлебачанні, камп'ютарнай сістэме (праз Інтэрнэт), а таксама па перапісцы. Заканадаўствам вызначана, што рэпетытарства не адносіцца да прадпрымальніцкай дзейнасці пры ўмове, калі фізічная асоба ажыццяўляе яе самастойна, без прыцягнення іншых фізічных асоб па працоўных і (або) грамадзянска-прававых дагаворах.
Такім чынам, рэгістрацыі ў якасці індывідуальнага прадпрымальніка ў дадзеным выпадку не патрабуецца. Да пачатку аказання рэпетытарскіх паслуг неабходна толькі паведаміць у падатковы орган па месцы жыхарства аб намеры ажыццяўляць дзейнасць і заплаціць адзіны падатак, вылічаны падатковым органам зыходзячы са ставак падатку, устаноўленых абласным Саветам дэпутатаў. Выплата адзінага падатку робіцца штомесяц і толькі за тыя месяцы, у якіх дзейнасць ажыццяўляецца. Пры гэтым весці ўлік атрыманых даходаў, складаць і прадстаўляць справаздачнасць у падатковы орган не патрабуецца.
У выпадку занятку рэпетытарствам без выплаты адзінага падатку ўрон, нанесены аўтарытэту настаўніка, будзе несувымерны з атрыманай матэрыяльнай выгадай.
Начальнік інспекцыі Г.Д. Лебедзеў
разгарнуць » / « згарнуць