У мінулую суботу ў нашай школе настаўнікі беларускай мовы і работнікі школьнай бібліятэкі наладзілі сапраўднае Свята вышыванкі. Яно прымеркавана да Міжнароднага дня роднай мовы, які адзначаецца 21 лютага. У выставе-прэзентацыі прымалі ўдзел усе тыя, хто цікавіцца вышыўкай, беларускай народнай культурай. Чаго толькі тут не ўбачыш: вышытыя карціны, ручнікі, абрусы. Мы ганарымся тым, што ў нашай школе столькі таленавітых дзяцей, настаўнікаў і актыўных бацькоў, якія з цікавасцю сочаць за жыццём школы і прымаюць у ім самы актыўны ўдзел.
Выстава стварае радасны настрой і адчуванне свята і еднасці! Прыходзьце, глядзіце, любуйцеся!
Кіраўнік метадычнага аб'яднання настаўнікаў беларускай мовы і літаратуры І.Л.Здановіч